I bi koa Tiroler
Und i bi koa Krawad.
Und i bi halt mein Diandl
Ihr Schlafkamarad.

Hinterberger riglts enk,
D'Ausseer Prüglnt enk.
Nehmant end d'Mentscha weg
Und aft habts an Dreck.

D'Hinterberger Mentscha
Hamd weiße Stimpf an.
Die brauchn's nit waschn,
Die soachn's grad an.

D'Hinterberger Mentscha
die moan, sie sand schen.
Daweil laßt's da liab' Herrgott
Wia die Krauthapln stehn.

D'Hinterberger Mentscha
Hamd d'Finger voll Ring,
Ums Maul sand's voll Kretzn.
Wia schen is das Ding.

D'Hinterberger Mentscha
die gebn's oft gar fein.
Die drahn sie die Hoar
Mit da Mistgabel ein.

D'Hinterberger Diandlan
Die hamd an schen Gang.
Mit oan Fuaß toan's mahn,
Mit'n andern heign's zsamm.

D'Hinterberger Diandlan
Die hamd an liabn Brauh.
Sie stelln sie vor d'Haustür
Und kratzn en Bauh.

Gigate, gogate,
Rabnfalsche Welt.
Koa sterisch' Mentsch mag i nit,
Hat ja koa Geld.

Steirische Gretl,
Du liegst´mar in Schädl,
Du liegst mar in Sinn,
Daß i heut auf d'Nacht kimm.

Aufn Tauern tuat's schauern,
Tuat's drintawerfn.
Wegn an Diandl trauern
Han i a nia derfn.

Aufn Tauern tuat's schauern
Und in Tal geht da wind.
Und 's Diandl tuat trauern,
Weil da Bua neama kimmt.

Linz is a Stadtl
Und Wean is a Stadt.
In Linz iß i's Bratl,
Z'Wean in Salat.

In Linz auf dar Bruckn
Hängt a Goaßlstecka.
Und dahoam aufn Ofen
Sand Buachln ahigfalln.

Z' Linz in dar altn Stadt
Sitzta a alts Weib ban Rad,
Spinnt lauta Schuasterdraht
Für die ganz' Stadt.

Z' Linz und z' Mauthausen
Und z' Sankt Florian
Is guat liegn bei de Mentscha,
Ham koa Hemad nit an.

I steh auf da Bruckn,
Scheiß ahi in Inn.
Da schreit da Dreck auffa:
Mit mir geht's dahin.

In Innviertel drent
Ham's an Bauern auspfändt.
Er hat nix ghabt wia an Stier
Und a Mentscha, a vier.

Vom Innviertel eina
Läut a Glöckerl so hell.
Bin a Ausländerbua,
Kan nit kemmas so schnell.

Innviertler Woaz und Korn,
Traunviertler Roß und Wagn,
Pinzgauer Kraut,
Daß' beim Arsch außaschaut.

Von Aussee a Salz
Und von Salzburig a Schmalz
Und a weanerisch's Mehl
Is a Speis, meiner Seel.

Z' Salzburig hamd 's Glocknspiel,
Z' Wean an hohen Turm.
Aba bald d' Mentscha schwanger wernd,
D' Schuld gebn's in Buam.

In Lungau, in Pongau,
In Pinzgau, in Tux
Gehn d' Henna in d' Kira
Und predign tuat da Fuchs.

Die oan is kloanwinzig,
Die oan is zaundürr
Und die oan hat an Schädl
Wiar a Pinzgauer Stier.

Fiaker, spann ein
Und drei Fünfer sand dein,
Füahr mi außar in d' Stadt,
Daß  i 's Mentsch halsn mag.

Von Ofen auf Pest
Und von Pest auf Triest.
Und in Mentschan is' recht,
Wann ma'n recht ahi steßt.

Lustige Leut
Sand die Engaländer.
Bald is weit danha geh,
Bin is ar a Fremder.