Wann i ausgeh, bin i munter
Wann i ausgeh, bin i minter,
Wann i hoamgeh, bin i matt.
So geht's an iadn Buam,
Der a schens Diandl hat.

Dieweh, diweh, diweh,
Diweh, duaraseh !
Sepperl, laß's füragehn,
Wista hahe !

Laßt's is na füragehn,
Es liegt ja nix dran,
Ja, weil ins auf derer Welt
Nix scheniern kann.

Und weil i so kloan bin,
Drum muaß i mi rührn,
Sist macht' mi a Großer
In Sack ahaschiabn.

Und daß i so kloan bin,
Muaß i selber lacha.
De Leut, den' i z' kloan bin,
Söllnt mi größer macha.

Und i trau mar und i trau mar
Und i trau ma nit dran.
Aba bald i amal größer bin,
Trau i ma schon.

Ja, warst denn du ar a Bua,
Du hast ja koa Schneid.
Und es steht da koa Diandl auf,
Bald's amal leit.

Koan Kreuzer, koan Geld
Und koan Schuah, koan ganzn.
Koan Bloßfuaßadn laß ma nit
Umitanzn.

Bist du mei Kamarad,
Bin is a da deinig.
Und wannst du mei Diandl liabst,
Liab i a das deinig.

Aba lauter Kamaradn
San ma's heut beinanda,
Zwegn da lstign Weis
San ma's einigenga.

Lustig is gwesen,
Und traurig kann's werdn.
Die Zeit is verflossn,
Soldat muaß i werdn.

Da Kaiser hat Briaferl gschriebn,
Er braucht Soldatn.
D' Diandl ham eahm zur Antwort gebn,
Sie mengt's hiazt nit gratn.

Und da Kaiser, der z' Wean,
Nimmt die schen Buam zan eahm.
und die Kropfertn und Kloan'
Laßt er in Mentschan dahoam.

Taugli hamd's gsagt,
Wia's mi ghalt ham ghabt.
Wia's mi auslassn ham,
Han i an Jugitzer tan.

Grüaß die Gott, Sepperl,
Bist hoam vo da Fremd ?
Is dir a Schnauzbartl gwachsn,
Hiat' die bald neama kennt.

Wann i ausgeh, bin i munter

Und bald i den Steiermarik-
Huat amal an,
Aft fang i halt wiederum
's Schnapstrinka an.

Hint auffi Federn
Und vurn auffi koan.
Und hiazt muaß ma die hintern
All vurn auffi toan.

Hanserl, buck 's Ganserl,
Steck 's Federl auf'n Huat.
Drah di hinum, drah di herum,
Wia 's Federl schen tuat.

Sie hamd gscholtn und grauft,
Sie hamd d'Federn verkauft,
Daß' a Geld hamd zan Prahln
Und zan Hebamm auszahln.

Und i reiß di, und i schmeiß di
Und wirf di um d' Erd.
Und i weis da dei Diandl hoam,
Wia sa si ghert.

Und von Reißn, von Schmeißn
Wollt ia no nix sagn.
Aba 's Diandl hoamweisn,
Bua, do hat's an Fahm !

Buama, gehts zan Bacherl
Und waschts enk enkane Klacherl.
He Diandl, gehts all mit
Und waschts enk enkane Fit.

Wann i a Aderl hätt.
Was si nit rührt,
Aft liaß i ma's außaschneidn,
Daß' mi nit irrt.

Buama, gehts hoam schen stad,
Es schreit scho da Guck.
Mentscha sand a nit schen.
Hiazt gehn ma zruck.

Meine Stimpf, meine Schuah
San aus Fuchshäutln gmacht,
Die Schlafn bei Tag
und gehn furt bei da Nacht.

Buama, gehts hoam schen stad,
D'Sunn hat si ohadraht.
Kemmts halt an andersmal
A wieder all.


This page was created, modified and installed by Mario Herger folkdance@mherger.com
Last modified on July 18th, 1999