Kloan bin is, kloan bleib is,
Groß mag is nit werdn.
Abar an Buam muaß i kriagn,
Wiar an Haselnußkern.

Oaner alloan traut eahm nit,
Zween und drui a no nit,
Sechs und neun müassnt sein,
Daß mi mögnt kei'n.

Hiazt is aus, hiazt is aus,
's Diandl is ban Rauchfang aus.
Und da Bua schreit ihr na:
Diandl, bleib da.

Auffigstiegn, ahigfalln,
Hänga bliebn in da Haustürschnalln.
Sakrament, han i ma denkt,
Hiat 'i mi bald ghängt.

Hiderlman, Haderlman.
Was geht di 's Katherl an ?
's Katherl geht di nix an,
Mei liaber Man !

So lang, so lang,
Han is mei Mentsch nit gsegn.
So lang, so lang,
Han is nit gsegn.

So lang, so lang,
Han is mei Weib nit gsegn.
So lang, so lang,
Han is nit gsegn.

A stiglnaglneuchs Leibl,
An Interfuatter.
A stieglnachleuchs Diandl,
Das is a Luader.

Diadl, di hättst mi gern,
Du zsammghaute Stallatern,
Rinnaugads Wasserschaff,
Dir pfeif i was.

Bei da Gigeritzn, bei da Gageritzn,
Bei da Wirtin z'Klammstoa,
Bei da Kellnerin ihrer Buderbüchsn
War's a nit lab toan.

Kraxnweib, Kraxnweib,
Bleib a weng stehn !
I scheiß da in d'Kraxl,
Aft magst wieder gehn.

A Rührküberl und a Rührscheibn,
A Wedermantl und a Baßgeign,
Und a Schottsuppn auf a Mistgabl
Han i a no nia ghabt.

D'Vögl san in See umgschwumma,
D'Fisch ham vo die Bama ahagsunga,
D'Küah, die ham Schwalbnnester baut,
Da ham d'Leut gschaut.

Bedlmandl hat's Bedlweibl buglt,
Aft sand's über d'Leitn ahakugelt.
Aft hamd's kommandiert, kommandiert,
Aft sand's marschiert.

Znachst bin is über d'Augstwiesn ahakugelt,
D'Ringlnattern ham vom Bam ahagjudlt,
Spanferkln hamd' Nester baut,
Da ham d'Leut gschaut.

Edlo, edlo,
Schneid mar eahm's Beidl a.
Edlo, edlo,
Schneid mar eahm's a.

La ma no a Stumpferl dran,
Dar ar a weng pempern kan.
Edlo, edlo,
Schneid mar eahm's a !