Dort obn auf da Alm
Dort obn auf da Alm
Is a Ochs ahigfalln.
Wann a nit ahi war gfalln,
War a no drobn auf da Alm.

In d' Alm bin is gangan,
Hat blitzt und hat kracht.
Wiar i auffi bin kema,
Hat d' Sunn ohaglacht.

In d' Alm bin is gangan,
In d' Alm gehr is noh.
A poar Schuah han i zrissn,
A poar zreiß i noh.

In d' Alm bin is gangan,
In d' Alm gehr is noh.
A Koh han is gessn,
A Koh iß i noh.

Auf d' Alm auffigehn
Und an Budern essen,
Und aufs Almdiandl halsen
Derfst nit vergessen.

Auffi auf d' Alm
Und auf halbs dafriasn,
Das war das recht Weder
Zan Schneid valiasn.

Wann i aufs Almerl geh
Oder zan Tanz,
Zreiß i halt meine Schuah,
Deini bleibnt ganz.

Durt obn auf dar Alm
Steht a greane Feichtn,
Durt gengant die Buam
Za da Sendrin beichtn.

Wann i auf dar Alm obn war,
Bussert i's Gressing a.
Guat, da i nit obmad bin,
D' Gressing warn hin.

Lustig is schon
Und voraus im Summa.
Mein lustige Zeit
Geht in Alman uma.

Aufn Bühal steht d' Hüttn,
In Tal grasnt d' Küah.
Aufn Bam leit da Schlüssl,
Geh nar eina za mir !

Daß' im Wal finster is,
Das macht das Holz.
Und weil mei Diandl sauber is,
Macht mi halt stolz.

Daß' im Wal finster is,
Machen die Äst.
Und daß d' Fut koane Zähnd nit hat,
Das i das best.

In Summar an Almstier,
In Winter a Hahn.
Und wann i ma's wünschn macht,
Hiat i ma's schon.

Auf dar Alm is koa Bleibn,
Tuats bald regna, bald schneibn,
In da Hüttn is koa Sein,
Geht da Wind aus und ein.

In dar Alm is koa Sein,
Voar lauter Kumma magst schrein,
A dicke Müli magst ham,
Wann's da guat tuat in Magn.

Dort obn auf da Alm

Bald trüpflt da Schottn,
Bald läut die Kuahglockn,
Bald jugitzt da Bua
Za da Hüttn herzua.

Han i amal gjugitz her
Uber de Alm.
Und hiazt war halt scho wieder
De Hebamm zan zahln.

's Diandl in dar Alm
Tuat an Juhschroa, an halbn.
Und den halbn tuat da Bua
Za da Hüttn herzua.

De Diandlan auf dar Alm
Huckn oft auf an Stoan
Und passnt auf an Buam
Wiar a Hund auf a Boan.

A lustiger Bua
Geht in Almdiandlan zua.
Und a stinkfauler Knacht
Is in Hoamdiandlan recht.

Bal is an Almdirn siah,
Denk i mar allweil mir:
Schen habts ma tan, o Gott,
Sappralot !

Almdiandl schneid di nit,
Gschnittn is bald.
Und wer bindt da dei Wünderl ein
Mitten in Wald.

Almdiandl, Almdiandl
Brock mar an Speik !
s' Hoamdiandl, s' Hoamdiandl
Hat' s so viel weit.

Lustig is' schon,
Wann 's Almdiandl schreit.
Aba lustiga weit,
Wann da Bua bei ihr leit.

's Almdiandl hoaßt Cilli,
Und sie leiht ma's freiwilli.
Tat ma's nahschicka a,
Wann's zan Aschraufn war.

Und hiazt han is a Mentsch
Vo dar Almar oha,
Und die hat an braun Stroaf
Ubers Arscherl oha.

D' Sennrin auf da Alm
Hat siebn, a acht Küah.
Und guat fingerdick Dreck
Hat's a auf die Knia.

Pfiat di Gott, Hüttn
Und pfiat di Gott, Alm.
Pfiat di Gott Diandl,
Hast mar a amal gfalln.


This page was created, modified and installed by Mario Herger folkdance@mherger.com
Last modified on July 1st, 1999