's Diandl hat gsagt:
Was bist für oaner ?
Wannst an Urlauber bist,
Is ma liaba koaner.

's Diandl hat gsagt
Auf da Kegelscheibstatt,
I möcht ar amal kemma
Scheibm bei da Nacht.

's Diandl hat ja gsagt,
San mar außa ganga in d'Strah.
Is da Bauer kemma, hat ins ausgjagt,
Wia 's in lustigsten gwesn war.

's Diandl hat Juhe gschrian.
Is denn koa Bua zan kriagn,
Is denn koa Bua so guat,
Der ma's heut tuat ?

's Diandl hat Juhe gschrian.
Is denn koa Bua zan kriagn,
Is denn koa Bua so gscheit,
Der bei mir leit ?

's Diandl hat si gfreut,
Wiar i's nieder han kei't.
Wiar i's auflassn han,
Hat's an Jugitzer tan.

's Diandl hat an Sechser gstohln
Und kauft si an Rahm.
Damit schmiert sa si 's Pfuiteixerl ein,
Daß' leichter gang.

's Diandl hat mar an Abschied gebn
Bei da Stiegl.
Pfiat die Gott, schener Bua,
Hab ma nix varübl.

's Diandl hat ma d'Liab aufgsagt
Hinter da Stiagn.
Hiazt sollt is ihr d'Hebamm zahln,
I tua mi net rührn.

's Diandl hat drein ghaut:
Oachl is Trumpf !
Da Wetzstoan muaß heunt no
Ahi in Kumpf.

's Diandl hat d'Kerschn gern,
D'Kerschn san siaß.
Sie fraß a ganz Körbl voll,
Wann mar ihr's liaß.

's Diandl hat gfischt ban Bah
Hin und he, auf und a.
Weil's net guat ködern kan,
Beißt koaner an.

's Diandl bein Bah
Schreit mar alleweil na,
Schreit mar alleweil zua:
Sei na lustig, mei Bua.

's Diandl hat an Spanreifn,
Sie laßt ihr's net angreifn.
Sie moant, 's is a Sünd,
Wann's da Buar in d'Händ nimmt.

's Diandl hat in Bart um d'Mitt,
Und sie hat mi recht schen bitt,
Daß i's im Stadl daußt
Mausert, daß' saust.

's Diandl hat a Ding,
Is nit schwar, is nit gring,
Is nit eng, is nit weit,
An dem Ding hat's a Freud.

's Diandl hat oane
Wia a Katznschüsserl.
Wannst as dort a weng kitzlst;
Aft lacht's a bisserl.

's Diandl hat oane
Wia ar Einbrennschüsserl.
Und alle Tag sagt's:
Geh Bua, rühr a bisserl !

Und 's Diandl hat oane
Wia a Haslnussei,
Wannst as angreifn tuast,
Nochher brunzt's a bisserl.

's Diandl hat oane,
Wo da Wind außigeht.
Und da Bua, der hat oan,
Der eahm alleweil steht.

Und 's Diandl hat Nuss' in Sack.
I han's sch griffa.
Si hat an kloan Buam in Bauh,
Er hat scho pfiffa.

's Diandl hat Wepsn ghabt,
Wepsn ban Loh.
Zehntausend sand außagflogn,
Sumsn tuat's noh.

's Diandl hat a leders Loh,
Heunt macht's ma's grad a so.
Gestern auf d'Nacht
Hat's ma's ar so gmacht.

's Diandl hat an Huaster tan
Und an Schoaß a.
Oft han i ihr oane ahigheit;
Oft hat's zudelt a.

's Diandl in da rupfan Pfoad,
Hat mar scho in d'Taschn gsoacht.
Sakrament, was is das ?
D'Taschn is naß.

's Diandl in dar Alm herdan,
Und i gar weit davon.
Sie hat gar oft an Gspoaß,
Daß i nix woaß.

's Diandl in dar Alm
Hat mi grüaßn lassn.
Und wiar i auffa bin kemma,
Hat's mi schiaßn lassn.

's Diandl von da Habernreih
und a Schandarm dabei.
Gehorsamster Bletschinie,
Habt's eahm glei vür.

's Diandl in Wean
Kan ihr leicht was vadean.
Sie derf si nit plagn,
Derf grad's Kiderl aufhobm.

's Diandl von da Gruabn
Hat a Kopftüachl auf.
Auf'n hintersten Zipfl
Steht "Pfüat di Gott !" drauf.

Is nit das a schens Diandl,
Hat a Kopftüachl auf.
Hat in Zipf in da Seitn,
Steht "Grüaß di Gott !" drauf.

War das a so a Diandl,
Hat a Kopftüachl auf.
Und an Kropf auf da Seitn,
Fahrt d'Eisenbahn drauf.

's Diandl hoaßt Katherl,
Hat schneeweiße Waderl,
Hat schneeweiße Knia,
Aba gsehgn han i 's nia.

's Diandl hoaßt Nanderl,
Hat schneeweiße Zahnderl,
Hat schneeweiße Knia,
Aba gsehgn han is'nia.

's Diandl hoaßt Nanderl
Hat schneewe´ße Zahnderl,
Hat a Grüabl i da Koi,
Und drum gfallt's ma so wohl.

's Diandl hoaßt Lena,
Hat sechsadreißg Henna.
Und vuran hat's ebbs dran,
Daß da Hahn eina kan.

's Diandl hoaßt Annamirl
Und da Bua Lenz.
Hat eahm da Hans 's Mentsch davon,
Hat da Lenz trenzt.

Und hiazt hat ma mei Diandl
A Leiern anghängt.
Und hiaz soll i die ganze Nacht
Leiern a weng.

Auf und auf platschlnaß,
D'Schuah voller Sand.
's Diandl hat in Kidl brunzt,
Des is a Schand.

Wann 's Diandl hat gsagt,
Wann i 's Schnapstrinka häng,
Aft kauft's mar an Steiermarik-
Huat, recht a schen.

Schaut's euch das Diandl an,
Wia sa si draht.
Und dahoam bei dar Arbat,
Da habt sa si stad.

's Diandl hat Juhe gschrian.
Is denn koa Bua zan kriagn,
Is den koa Bua so guat,
Der ma's heut ohatuat,
D'Zweschbn von Bam,
Weil's scho lang zeitig sand.