's Diandl is gschmeidig
Und Leut san ma neidig,
Und i woaß scho, warum
Daß' ma neidig sand drum.

's Diandl is mein
Aba mein alloan nit.
Wann's mein alloan war,
Tat i schöner damit.

's Diandl is neama mein,
I kan neama lustig sein.
Sie tuat an andern liabm,
I woaß's neama z'kriagn.

's Diandl in da Nachbarschaft
Is halt mei Schatz.
So oft i halt umikimm,
Gibt's mar an Schmatz.

's Diandl is harib auf mi,
I han ihr nix tan.
I hiat' ihr a Busserl gebn,
Sie nimmt ma's nit an.

's Diandl is harib auf mi,
Und i han ihr nix tan.
Und hiazt steck i ihr an Span in Arsch
Und zündt'n an.

's Diandl is jung an Jahrn,
Hat scho gar viel erfahrn,
Ausghaltn a scho viel
Hinter da Hüll.

's Diandl mit achtzehn Jahrn
Is no nit budert wordn.
Auf amal bildt's ihr ein,
Budert muaß's sein.

Mei Diandl is sauber
Vom Fuaß bis zan Kopf.
Beim Halsn hat's a Binkerl,
Das nennt ma an Kropf.

's Diandl is feinboanig,
D' Leut moan', sie hätt koane.
Seid's nit so dumm,
Sie hat ja eh a mordstrumm.

's Diandl is sauber,
An Kopf wiar a Rauber,
Und  an zentnerschweren Bauh
Und a Gstell wiar a Sau.

's Diandl is schwanger
Und woaß nit, von wem.
Ban Nachbarn ham's an Goaßbock,
Hiazt schiabts sie's auf den.

's Diandl is lutherisch
Und was is denn nacha ?
Und i wer' ma's scho selber
Katholisch macha.

's Diandl is gstorbn,
Hiazt laß i's begrabn,
Laß i's Zügnglöckerl lätn
Und's Hackbrett schlagn.

's Diandl is auf'n Holzzoan gsessn,
Hat irh d'Maus a Loh ausgfressn.
D'Maus is dahin,
Und's Loh is ihr bliebn.

's Diandl is jung und kloan,
Sitzt auf'n Danglstoan,
Danglt was gern,
Aba inn' sollt's neamd werdn.

's Diandl is jung und kloan,
Traut ihr nit z'liegn alloan,
Sie macht mi Kloan zag
I sollt ban ihr liegn auf d'Nacht.

's Diandl is kloa, is kloa,
Ma kunnt's in a Gspaderl toa,
's Gspaderl is no nit voll,
Aba kloan is sie wohl.

's Diandl is winzigkloan,
Traut ihr koan Schoaß nit z'toan.
Sie tuat nur an Fist,
Weil's so kloanwinzig is.

's Diandl is kloan, is kloan,
Laßt si's in Stehn nit toan.
Sie will allweil liegn, die Sau,
Wia a gnä' Frau.

's Diandl is kloan, is kloan
Liabt allweil oan und oan.
Oan liabt's halt gwiß,
Weil's a kloans Diandl is.

's Diandl is schen, is schen,
Liabt allweil zween und zween.
Zween liabt's halt gwiß,
Weil's a schens Diandl is.

's Diandl is treu, is treu,
Liabt allweil drei und drei.
Drei liabt's halt gwiß,
Weil's a treus Diandl is.

's Diandl is schiah, is schiah,
Liabt allweil vier und vier.
Vier liabt's halt gwiß,
Weil's a schiachs Diandl is.

's Diandl is flink, is flink,
Liabt allweil fünf und fünf.
Fünf liabt's halt gwiß,
Weil's a flinks Diandl is.

's Diandl is keck, is keck,
Liabt allweil sechs und sechs.
Sechs liabt's halt gwiß,
Weil's a kecks Diandl is.

's Diandl is schlimm, is schlimm,
Liabt allweil siebn und siebn.
Siebn liabt's halt gwiß,
Weil's a schlimms Diandl is.

's Diandl is gschmäh, is gschmäh,
Liabt allweil acht und acht.
Acht liabt's halt gwiß,
Weil's a gschmähs Diandl is.

's Diandl is fein, is fein,
Liabt allweil neun und neun.
Neun liabt's halt gwiß,
Weil's a feins Diandl is.