`s wird schöne Maderln geb'n / `s wird a Wein sein

`s wird schöne Maderln geb'n

Weil mir heut so lusti beinander g'rad san,
Liegt uns an a'm Geld a nix d'ran.
Weil mir vor der Fruah gar nia z'Haus kumma than,
D'rum schmiern ma kan Hausmaster an.
Mir ham nur a Motto un dem bleib'n ma treu,
Bis daß uns das Augenlicht bricht,
Es steht halt nix auf über d' Umdrahrerei,
Das is schon a uralte G'schicht.

Refrain:
Hollodaro! Hollodaro!
Es wird a Wein sein, und mir wer'n nimmer sein,
D'rum g'niaß ma 's Leb'n so lang's uns g'freut.
'S wird schöne Maderln geb'n, und wir werd'n nimmer leb'n,
D'rum greif ma zua, g'rad is's no Zeit.

Wer wird denn schon spar'n, das fallt uns gar net ein,
Das heb'n ma uns auf, bis ma sterb'n.
Da müaßt ma in Wien nöt auf d' Welt kumma sein,
Wann Ana von uns wollt was erb'n.
Mir lassen nix z'ruck, no das is schon bestimmt,
Mir ham Alles gern, nur kan Streit.
Und daß ka' Notar unsern Erben was nimmt,
Verjuck ma halt 's Geld voller Schneid.

Marschlied, Text: Josef Hornig
Musik: Ludwig Gruber (Band I)

Quelle: Wo a greans Kranzl hängt, Wiener-Lied Edition aus den Kremser Alben, Folge 6, ORF (Walter Berry, Heinz Zednik; Die Philharmonia Schrammeln)

20. April 2003

_Gstanzln.com
_{admin@gstanzln.com}