Ja i bins halt a Lump

Aus Dancilla Wiki
Zur Navigation springenZur Suche springen

Gestern hab i ghabt

  1. Gestern hab i ghabt a dreistöckigs Haus,
     heute schau i nur mehr hintern Bruckenpfeiler raus.
     Ja i bins halt a Lump und i bleibs halt a Lump
     und i bins halt a liederlicher Lump.
  2. Gestern hab i ah an Girardihuat tragn,
     heut hab i an Papiertschako, und der fliagt mir davon.
     Ja i bins halt a Lump ...
  3. Gestern hab i ghabt a goldene Uhr,
     heute hab i nur mehr an Zwiefel an der Schnur.
     Ja i bins halt a Lump ...
  4. Gestern hab i graukt nur Vetschina, lang und dick,
     heute kann i froh sein, wann i find an klanan Tschick,
     Ja i bins halt a Lump ...
  5. Gestern hab i Hemdn ghabt glei dutzendweis,
     heute hab ans nur mehr, und des is nimmer weiß.
     Ja i bins halt a Lump ...
  6. Gestern hab i Weiber ghabt glei dutzendweis,
     heute hab i ane nur, und de is voller Läus.
     Ja i bins halt a Lump ...
  7. Gestern, da hats nur der Fiaker tan,
     heute greif i net amal a Radltruhen an.
     Ja i bins halt a Lump ...
  8. Gestern bin i gfahrn mit der Eisenbahn,
     heute bin i froh, wann i z'Fuaß gehen kann.
     Ja i bins halt a Lump ...
  9. Gestern hab i Freunderln ghabt, hab alle ghaltn aus,
     heute kann i froh sein, wanns mi freundlich schmeißn raus.
     Ja i bins halt a Lump ...
 10. Gestern war i ah dabei bei die feinen Herrn,
     heute derf i höchstns eana d Straßn zsammakehrn.
     Ja i bins halt a Lump ... 

Liednoten

Auf der Seite Salzburger Dreher sind die Noten zu diesem Lied abrufbar.

Zugehöriger Tanz

Salzburger Dreher

Quellen